other
上癮新解讀
識我嘅朋友都知，我一路都努力戒緊 dumb scrolling；唔裝 IG app，set 黑白 mon，唔玩 Threads，其實比起以前已經用少咗好多手機。但仲係唔滿意嘅係，有時遇到啲 shitty 嘢，或者心情差，唔碌返四五個鐘手機就硬係唔舒服咁。然後最近睇到呢本書嘅呢個 chapter，對「何謂上癮」呢件事有咗新嘅解讀。通常一講到上癮，係會諗起快感，即係黃賭毒嗰啲啦。但有啲嘢明明唔應該有快感，好似 call uber、叫外賣，點解都會有種爽、返唔到轉頭嘅感覺呢？本書入面就講：「無聊出乎意料地令人強烈不舒服」，甚至用「被綁住的痛苦」嚟形容。而呢啲 apps 嘅角色就係喺你痛苦嘅時候，例如星期六嘅朝早，一起身乜都唔想做，就可以床上面撳完個外賣，繼續瞓低碌手機，將你由呢個痛苦解脫出嚟。望一望耍廢嘅自己，同癮君子有冇幾分相似😂😂。而冇乜人會諗嘅係，容易做唔等於值得做，甚至唔等於代價低。只不過可能個代價唔係由你付出，又或者你只係冇意識到。唔講環保健康嗰啲，你開個 app 嗰下，地址信用卡全部填好哂，連洗嘅錢都可以等到月尾先面對，分分鐘仲自動轉賬添。成件事容易到，你做嗰陣係完全唔需要經大腦。放棄思考係一件好容易嘅事，好多人都覺得（包括我自己）用腦好辛苦。返工八個鐘已經要用腦，收工淨係想放鬆，咁就不如將所有所謂問題用錢解決咗佢。包括上面講嘅 apps，包括家務：請工人、買掃地機械人、洗碗機、自動餵糧機；包括工作壓力，甚至人際關係、原生家庭問題，都可以用錢去解決（逃避），去 shopping、食好西、請假去旅行。然後你就發現，唔夠錢使，就搵份更高人工嘅工，或者接更多 job，結果壓力更大、人際關係更差，再報復性使更多錢。某程度上呢條就係我以前行緊嘅路，或者話我行到一半，感覺到唔對路，就踩返出嚟。但之後應該點呢，其實我都冇一個確實答案。再講遠少少就係，點解要有寺廟、要有出家、要有供奉高憎呢啲儀式習俗。以前唔了解就覺得係迷信，而家我會理解做：佢哋就係一班全職嘅...
